Incubator Plus
Register
Advertisement

Djalektn en eerdr een lokoal karaktr. Doardeur es ter veur vriê veel woordn giên goehe djalektvrtoalîhe. Veur dad ûp te losn kûnde best woordn uit een andere toale euvrpaqn. De beste toale veur woordn uit euvr te paqn es vaneihst et Neehrlañs. Woarda ter een vrsjchîl tûsn 't Neehrlañs uit Belgje en 't Neehrlañs uit Ollañd, paqqeme liefst de Belgiese woordn. Veur zoaqes uit Afrika, kan et Zuid-Afrikoans gebruikt wurn. Uek 't Frans es een meuhlikheid. D' euvrgepakte woordn meuhn tons oan d' Uest-Vloamse uitsproaq' oangepast wurn.

Soamestellîhn[]

Oas de euvergepakte woordn soamestellîhn zyn en veur iên van de deeln es ter een oar woord în't djalekt, meugde da woordstîk verañdern. Oas et Neehrlañse woorstîk iet añdrs beduidt of 't zelfste woord în't djalekt, moed et verañdrd wurn. Bv. soamestellîhn ûp "-dier" wurn soamestellîhn ûp "-biêst". Meeda "diere" în sommigste djalekten "eende" wîl zehn, moe "dier" in "biêst" verañdrd wurn.

Oas alle stîqn een djalektvrtoalîh' en, kan ter een neologiesme gemoakt wurn. Veurdaje 'n neologiesme moakt, moeje'r wel zeeqr van zyn da ter noch giên djalektwoord veur es of da ter giên beedr sinoniem es. Neologiesmn moen îmr eerst ûp deze lyste goegekeurd wurn veurdan ze meuhn gebruikt wurn.

Euvrzicht[]

  1. Oas 't woord în 't djalekt veure komt es ter giên probleem.
  2. Oas een woord nied în een zeeqr djalekt en veure komt, moar wel în een añdr, kûnje 't euvr paqn uit da djalekt.
  3. Oas een woord in giên eñkl Uest-Vloams djalekt en veure komt, meugje 't euvrpaqn uit et Belgies Neehrlañs of et AN, of Zuid-Afrikoans veur Afrikoanse zoaqes en biêstn.
  4. Euvrgepakt soamestellîhn die veur een stîk kûnn vertoald wurn noar et djalekt, meuhn deels vrtoald wurn, zeeqr oas een stîk van de soamestellîhe iet añdrs wîl zehn of în 't djalekt.
  5. Veur soamestellîhn dan gans kûnn vrtoald wurn, kan een neologiesme gemoakt wurn, oas ter giên goe sinoniem en es en oas ter în giêniên Uest-Vloams djalekt een woord veur en es.
Advertisement